QUEER A ANTIFAŠISĆA – zjednoćće a and spjećujeće so!
Wobdźělujće so na Pride 2024!
Štyri lěta Queer Pride w Drježdźanach. Štyri lěta wótře, pisane, njemdre, rozsudźene, sexy, něžne, bojowniske, queer hłosy z Drježdźan! Štwórty raz wołamy was wšitkich, queer a allies, k zhromadnej queer a antifašistiskej pride na dróhu.
Queerness a antifašizm – to słuša hromadźe!
Querness, to njeje prosće set pismikow, to njejsu jenož homoseksualni, biseksualni, inter a trans wosoby. Rěka, queer myslić a žiwy być. To woznamjenja, normatiwne struktury napřećo smužce šćětkować. Je to wašnje, towaršnostny status quo do prašenja stajić. Přetož heteroseksualnosć jako normalny staw widźeć, to začuwa so zastarske. Mału swójbu z mužom a žonu jako jeničku móžnu konstelaciju zrozumić, wonja za wostudu! Swět w jenož dwěmaj barbomaj – čorna a běła, muž a žona – to je bajka, kotruž njejsmy dlěje zwólniwi powědać.
Mamy wjele wjace předwidźane: Swět, w kotrymž móža wšitcy wěsće žiwi być! Swět, w kotrymž so nichtó do wuskich splažnych normow njenuzuje. Swět, w kotrymž móža ludźo lubować, kak a koho chcedźa. W kotrymž móža žiwi być, hdźež chcedźa a zastaranje dóstanu, kotrež trjebaja. W kotrymž ma kóždy čłowjek prawo, dźěl lěpšeje towaršnosće być. Dźěl solidariskeje towaršnosće, jedneje, kotraž nikoho wróćo njewostaji. Dźěl bjezklasoweje towaršnosće, kotraž ze stawiznow wuknje. A dźěl podpěrowaceje towaršnosće, w kotrejž móže kóždy jednotliwy čłowjek zabłyšćić.
Antifašizm, to njeje za nas prosće rjane słowo. To njeje jeničce historiski poćah k socialnym hibanjam. Je to wotmołwa a sebjewopisanje. Je to wotmołwa na dźeń a bóle nječłowjeske wuwića. Je to jenička móžna reakcija na strašne počinanja nacijow, fašistow*kow a nowoprawych čłowjeskich hidźerjow*kow. Antifašizm je wuměnjenje za swět, kajkiž sej jón wusonimy.
Swět, kotryž je wohroženy, dokelž so tež naše ćěło a žiwjenje wohroža. Dokelž so hida a šćuwańca wot nacijow rozšěri, w parlamentach, w medijach a na našich dróhach.
Prawicarska ideologija njeda žane móžnosće za swět zwonka přewyšenych předstawow muskosće a rasizma.
Queer być a antifašist*ka – to je za nas ta jedna a ta samsna wěc. To je za nas jedyn bój!
Tohodla prajimy: „Unite!“ – zjednoćće so! To měnimy jako namołwu. Jednotliwje a sam so njebudźe nam poradźić wšědnej queer-njepřećelskosći, přehnatych podružam, wuklukowanju na dźěle, rumowanjam, wupokazanjam a strukturelnej namocy bój připowědźić. Njebudźe so ze samotnym wołacym hłosom poradźić, nacijow z parlamentow ćisnyć a wot dróhi tłóčić. Ale z mnohimi budźe so poradźić!
Tohodla prajimy: „Resist!“ – spjećujeće so přećiwo tutym wobstejnosćam. Podpěrajće wašu*wašeho koleginu*a * of colour solidarisce. Wobsadźće rumy, stawkujće, blokěrujće wupokazanja a nacijowe pochody. Wobčitajće so, kubłajće swoje kritiske myslenje, započinajće jednać. Pokazajće so solidarisce, čińće so hromadźe. Jenož tak budźe so naš přichod radźić!
Tohodla prajimy: JOIN OUR FIGHT – JOIN THE PRIDE!